Miaka ta ngiri inya mihituku, Ngai niaumiriire Iburaimu bururiini wa Mesopotamia akimwira atiri, Uma bururi wanyu, utige mucii wa thoguo, ona andu anyu, uthii bururi uria ngukuonia, “Ningukuhe njiarwa nyingi, na niigatuika ruuriri runene”. Iburahimu niathikiire Ngai na agithii bururi wa kiiraniro wa Kanani, kuria aikarire na muruwe Isaka na muru wa Isaka, Jakubu- uria acokire gwitwo “Isirairi”.
Isireaeli na ariu ake ikumi na eri nimathire bururi wa Misiri kuurira ng’aragu nene iria yagumiire bururi wao Kanani. Na nyumba yao igitherema magituika ruriri runene. Nao andu a misiri nimagiire na guoya wa aisiraeli aria maturaga gatagatiini kao, na ni mamatuire ngombo, makimarutithia wira muritu muno. Thutha wa miaka Magana ana na mirongo ithatu bururiini wa misiri, Musa niatongoririe Aisiraeli kuma ukomboini. Nimaringire iria itune na magithii bururiini wa Arabia, kuria mamukiire mathani ma ngai kirimaini kia Sinai.
Njiarwa cia Isirairi iria ciaumire bururi wa Misiri hamwe na Musa matietikiirio kuingira bururi wa kiiraniro niundu wa kwaga witikia Ngai. Kwa uguo, nimaikarire weruini miaka mirongo ina, o nginyagia gukigia ruciaro rweru ruria rwetikagia Ngai- na rukingira bururi wa kiiraniro na Joshua.
Ta ihinda ria miaka magana ana (400), nduriri ikumi na igiri cia Isiraeri ni ciathagwo ni Atiiririri bururi kuringana na watho wa Musa. Na nimeririirie kugia na athamaki ta nduriri iria ingi. Kwoguo gituthuurire Muthamaki wa gututhamakagira, niguo tugie na muthamaki tha nduriri iria ingi. Ngai niamurire Saulu atuike muthamaki wao, na akimathamakira miaka mirongo ina. Thutha Daudi agituika muthamaki na agiathana miaka mirongo ina. Na muruwe Daudi, Suleimani, agiathana miaka mirongo ina. Na riria Suleimani athanaga, bururi wa isiraeli na watheremete muno. Na thunagogi ya mbere niyakirwo. No tondu Suleimani niatirikire Ngai ukuruini wake, ngai nierire Suleimani ati nduriri ikumi itikathwo ni muruwe.
Sulemiani arikia gukua, Uthamaki wa isiraeli ni wagayukanire. Nduriri ikumi cia rugongo ni ciathirwo ni athamaki matetikitie Ngai, na matiari a nyumba ya Daudi na Suleimani. Uthamaki uyu wa rugongo ni rwathire na mbere gwitwo Isiraeri, na Samaria ni gwatuikire giikaro kinene kia uthamaki ucio.
Uthamaki wa “South”, o uria wari munyinyi, ni wetirwo Judea, na Jerusaremu igituika giikaro kinene. Na ruriri rwa Daudi ni rwathire na mbere gwathana uthamakiini ucio.
Kwambiriria Athamaki wa keri kiongo kia ikumi na ithathatu, andu a uthamaki wa south nimambiriirie gwitwo Ayahudi, thutha wa uthamaki wa Judea.
No, nitondu wa uturika wa uthamaki wa rugongo, nimahotirwo na magituwo ngombo cia Asyria. Aisiraeri aria matigaire ni matukanire na nduriri iria ciokire na ikinyita wathani wa bururi wa Isiraeli. Andu aya nimacokire gwitwo Asamaria. Nacio nyumba ikumi cia uthamaki wa rugongo rwa isiraeli itigacoka gwathana ringi.
Na uthamaki wa Judea ni watuikire ngombo bururiini wa Babiloni, ta ihera ria gutungatira ngai cia mihianano. Na hekaru ya Ngai ni yamomorirwo. No thutha wa miaka mirongo mugwanja, ayahudi nimacokire Judea, na magiaka hekaru ya Jerusalemu- na magithii na mbere na guthamakirwo ni athamaki a nyumba ya Daudi.
