I le silia i le 4 afe tausaga talu ai, na fa'aali atu ai le Atua ia Aperaamo i Mesopotamia ma ia fetalai atu ia te ia, “ia tuua e oe o lou nu'u, ma tagata o lou nu'u, ma le aiga o lou tama, ae alu atu i se nu'u oute fa'asino atu ai ia te oe. Oute faia oe ma nu'u tele.” Na usita'i Apera'amo i le Atua ma ulufale atu loa i le nu'u na folafolaina o Kanana, lea na aumau ai ma lona atali'i o isaako ma le atali'i o lona atali'i o iakopo, lea na toe fa'aigoa mulimuli ane o isaraelu.
Na Malaga atu isaraelu ma ona atali'i e to'a 12 i totonu o Aikupito ona o se oge tele i le nu'u o Kanana, ma o iina na fa'atupulaia ma avea ai o se nu'u malosi ma le mata'utia. Na lagona le fefefe o tagata Aikupito ona o le nu'u malosi ma le mata'utia o isaraelu o lo'o latou nonofo fa'atasi, o lea na o latou fa'apologaina ai loa le fanauga a isaraelu. i le maea ai o le 430 tausaga o le nofo pologa i totonu o Aikupito, na taitaia lo latou fa'asaolotoina e Mose, na sopoia le sami ulaula, lea na o latou mauaina ai le tulafono a le Atua i le Mauga o Sinai.
Na le'i mafai e le augatupulaga na tuua Aikupito ma Mose ona ulufale atu i le nu'u o le folafolaga ona o lo latou le fa'atuatua i le Atua. E 40 tausaga na fa'aaunu'ua ai i le vao seia oo ina tulai mai se augatupulaga fou na fa'atuatua i le Atua ma ulufale atu i le nu'u na folafolaina ma iosua.
E tusa ma le 400 tausaga o pulea ituaiga e 12 o isaraelu e fa'amasino e tusa ai ma le tulafono a Mose. Ina ua latou mananao e fai so latou tupu e pei foi o isi atunu'u, na filifilia e le Atua Saulo e avea ma o latou tupu, na taitaia i latou mo le 40 tausaga, lea na sosoo ma le Tupu o Tavita lea na taitai foi mo le 40 tausaga, ma le atali'i o Tavita o Solomona lea na avea ma tupu mo le 40 tausaga. I le taimi o le nofoaiga a Solomona, o le taimi aupito mataina lena o le malo o isaraelu, ma o le taimi lea na fausia ai le uluai malumalu. Ae ina ua liliu ese le loto o Solomona mai le Atua i le taimi o lona toeaina, na fetalai atu ai le Atua ia te ia, o le a le pule lona atali'i i ituaiga e 10.
Ina ua maliu Solomona, na vaevaeina loa le malo o isaraelu, ma na pulea ituaiga e 10 i matu o isaraelu e augatupulaga o tupu leaga, e le'i tupuga mai ia Tavita ma Solomona. Na tumau le fa'aigoaina o le malo lenei i matu ia isaraelu ma na i'u ina avea Samaria ma ona laumua. Ae o le malo i Saute, e laitiiti atu, na fa'aigoaina ia iuta, ma na avea ierusalema ma ona aai, ma na puleaina e e na tupuga mai ia Tavita. E amata mai i le tusi a le 2 Tupu mataupu e 16, na fa'aigoaina tagata o le malo i Saute o Sa iuta, ona o le igoa o le malo o iuta.
Talu ai ona o le leaga o le malo i matu o isaraelu, o lea na fa'atoilaloina ai ma ave fa'apologaina e tagata Asuria. O tagata isaraelu na totoe ai, na amata ona milo fa'atasi ma nu'u fa'apaupau na o atu ma faoa le laueleele. O nei tagata na fa'aigoaina o Samaria, ma e le'i toe avea ituaiga e 10 o le malo i matu ma atunu'u e tasi.
Na i'u lava ina ave fa'apagotaina le malo i Saute o iuta i totonu o Papelonia e avea ma fa'asalaga ona o le ifo i tupua, ma na fa'atamaiaina foi le malumalu. Ae ina ua mavae tausaga e 70, na toe foi tagata sa iuta i iuta, toe fausia le malumalu i ierusalema, ma fa'aauau ona puleaina e tupu na tupuga mai ia Tavita.
I le vaitaimi o Keriso, na suia le igoa o le nu'u o iuta e avea ma iutaia ma na i lalo o pulega a Roma. Na folafolaina e iesu Keriso ma ona so'o le Talalelei i iutaia atoa i le tau sailia o mamoe leiloloa a le aiga o isaraelu. I le maea ai o le 3 ma le ‘afa tausaga o lana tala'iga, na teena ai e tagata o sa iuta iesu e le'o so latou Mesia ma o latou tauanauina ai le kovana Roma ina ia fa'asatauro ia te ia. I le maea ai o le 3 o aso na sosoo ai, na toe tu mai ai o ia nai e ua oti ma fa'aali atu i ona soo a'o le'i afio a'e i le itu taumatau o le Tama i le lagi.
A'o lei fa'asatauroina iesu, na ia faia ai se fa'aperofetaga e fa'apea, o le a fa'asala ierusalema ona o lona teenaina o ia, e ala i le susunuina, o le a fa'atamaia le malumalu, ma o le a taitaina atu tagata iutaia ina ia avea ma pologa i nu'u uma. Na fa'ataunu'uina lenei fa'aperofetaga i le tausaga e 70 AD ina ua ave fa'amalosi ierusalema e le o le a avea ma kaisa o Roma, o Tito. E silia i le 1800 tausaga o salalau pea tagata iutaia i soo se vaega o le lalolagi.
Ae i le tausaga e 1948, na tupu mai ai se mea na fa'apea e le mafai ona tupu. Na fa'avaeina le Atunu'u o isaraelu, ma na toe mauaina e tagata iutaia le nu'u o le folafolaga. E toatele tagata Kerisiano ua latou fa'apea mai o se vavega ma se fa'amanuiaga mai le Atua lenei mea, ae o se fa'amanuiaga lenei mea mai le Atua, pe e iai nisi malosi'aga o le pouliuli na mafua ai lenei tulaga? O le tali o lo'o i totonu o le ata lenei.
