Na Sala vakai Volatabu ki Lomalagi

Video

November 30, 2015

Sa matata sara na ivolatabu me baleta na veivakabulai. E sega ni vakatau ena nomu vinaka. E levu na

tamata era nanuma nira sa vinaka toka, ka ra na yacovi lomalagi baleta

nira sa vinaka toka ia e kaya na iVolatabu, "Ni sa ivalavala ca na tamata kecega ka sega ni yacova na ka e

vakarokorokotaki kina na Kalou." (Roma 3:23) E kaya na iVolatabu, "Me vaka na ka sa volai, sa sega e dua sa ivalavala dodonu,

sa sega sara e dua." (Roma 3:10) Au sega ni ivalavala dodonu. O sega ni ivalavala dodonu, ia kevaka me kauti keda cake i lomalagi

na noda vinaka, sa na sega ni dua veikeda ena lako kina.

1. Vakatusa ni ko tamata ivalavala ca.

E kaya madaga na ivolatabu ena Vakatakila :, "Ia ko ira na daurere, kei ira na vakatitiqa, kei ira na era vakasisila

kei na daulaba, kei ira na dauyalewa, kei ira na kila ka vakatevoro, kei ira na soro ki na matakau, kei ira na daulasu kecega, sa votai vei ira

na nodra ivotavota ena drano sa caudre kina na buka kei na sulifure,ia oqo nai karua ni mate." Au

sa lasu oti. Eda sa lasu oti e liu, ka da sa ivalavala ca kece, ka da sa cakava na ka

e ca cake mai na lasu. Tu vakatagane kina: sa rauti keda kece o eli.

2. Kidava na isau ni ivalavala ca.

Ia e kaya na iVolatabu, "Ia na Kalou sa vakatakila na nona loloma veikeda, ni da sa tamata

ivalavala ca, sa mate o Karisito me keda isosomi." (Roma :) O Jisu Karisito, ena nona lomani keda, a lako mai

ki vuravura. E kaya na iVolatabu ni a lia tamata mai Vua na Kalou ena yago. Na Kalou sa yaco me tamata

vakayago. A bula tawa ivalavala ca. A sega ni ivalavala ca, ia, era a kanakuitataki koya,

kasiviti koya, ka vakoti koya kina kauveilatai. E kaya na iVolatabu ni nona a vakoti tu ena kauveilatai

o koya "ga vakai koya ga ka colata noda ivalavala ca ena yagona ena kauveilatai." (1 Pita 2:24) Na ivalavala va kece

o a vakayacora, kei na ivalavala ca kece au a cakava - e vaka ga me a cakava o Jisu. Ea

totogitaki ena vuku ni noda ivalavala ca. Era qai kauta na yagona mate, ka buluta

ena dua na qaravatu, sa qai gole sobu na yalona i Eli me tolu na siga ka tolu na bogi (Cakacaka

:). Ni oti e tolu na siga a tucake tale mai na mate. A vakaraitaka veiratou na tisaipeli na

mawe e ligana. E vakamatatataka na iVolatabu ni a mate ena vukuda kece o Jisu. Ea kaya

ni a mate "sega ena vuku ni noda walega, ena vuku talega ni nodra na kai vuravura kecega" (

Joni :). Ia e dua na ka e dodonu meda cakava meda vakabulai kina. E tiko ena ivolatabu na taro oya

ena Cakacaka , "Na caka meu kitaka meu bula kina? Era qai kaya, "Vakabauta na Turaga o Jisu

Karisito, ko na qai vakabulai, vakakina na nomu matavuvale." Sai koya sara ga o ya. A sEGA ni kaya, "Curu kina dua na lotu,

mo vakabulai kina. Papitaiso, ko na vakabulai kina. Bulataka na bula e vinaka, ko na qai

vakabulai. Veivutunitaka nomui valavala ca kece, ko na qai vakabulai, SEGA. Ea kaya "vakabauta."

3. Vakabauta ni a mate o Jisu, bulu, ka tucake tale ena vukumu.

Na tikina rogolevu duadua madaga ena iVolatabu taucoko, ka volai na kena ivakamacala ena botoni

bilo ni "In and Out Burger." E kilai levu sara. Sa rogoca kece na tamata: Joni

:. "Ni sa lomani ira na kau vuravura vakaoqo na Kalou me solia kina na luvena e duabauga sa vakatubura, me kakua ni rusa ko ira yadua

sa vakabauti koya, ia mera rawata ga na bula tawa mudu." Na tawamudu e kena ibalebale

tawamudu. E kena ibalaebale tawamudu, a kaya o Jisu, "kau sa solia vei ira na bula tawa mudu, ia era

na sega sara ni rusa, se dua e kaliraki ira mai na ligaqu." (Joni :)

E kaya na iVolatabu ena Joni :, "E dina, e dina, au sa kaya vei kemudou, o koya sa vakabauti au sa rawata

na bula tawa mudu." Koya gona kevaka o sa vakabauti Jisu Karisito, e kaya na iVolatabu sa tawa mudu na nomu

bula. O na bula tawamudu. O na sega ni vakayalia nomu bula tawa mudu. E tawa mudu, e

tawamudu. gauna ga o sa vakabulai kina, gauna ga o sa vakabauti koya kina, o sa vakabulai vakadua, ka

veitalia se cava, sa na sega ni yali tale vei iko nomu vakabulai.

Kevaka madaga meu laki ivalavala ca tale vaka ca, ena totogitki au kina e vuravura na Kalou.

Kevaka meu laki vakamatea e dua nikua, na Kalou ena qarauna meu totogitaki, Au

na lako i valeniveivesu ke sega, se totogi mate sara kina. Se sala cava e totogitaki au kina na vuravura oqo, ka

na qarauna sara na Kalou meu totogitaki sara vakalevu, ia au na sega ga ni na lako i Eli. Sa

sega na ka au rawa ni cakava meu lako kina ki eli baleta au sa vakabulai, ka kevaka meu lako i eli, sa lasu kina na Kalou.

Baleta ni a yalataka ni o koya yadua sa vakabauta sa rawata na bula tawa mudu, ka kaya o koya, "O koya vakayadua

sa bula ka vakabauti au ena sega sara ni mate." Koya oya sa levu sara kina na ivakaraitaki ni

tamata ena iVolatabu era cakava na ca lelevu sara, ia era gole ga ki Lomalagi. E rawa vakacava? Baleta

era a vinaka sara? SEGA, sa baleta ga nira vakabauta na Turaga o Jisu Karisito. Nodra ivalavala ca

sa vosoti. So tale na tamata era a bula vinaka cake ena matai vuravura, se rairai

era bulataka e dua na bula vinaka cake sara, kevaka era sega ni vakabauti Karisito, era sa na

dodonu ga mera lako i eli mera laki totogitaki ena vuku ni nodra ivalavala ca.

4. Vakadinati Karisito duadua ga me nomu ivakabula.

Meu tinia ena dua na vakasama oqo: dua na ka au via vakadeitaka ka kauta cake mai

niku sai koya ni dua na taro ka tarogi vei Jisu mai vei dua vei ira nona tisaipeli, ka

sai koya oqo na taro oya: era na lalai beka ga na vakabulai? Taro vinaka oya, donu?

Era na vakabulai beka e lewevuqa? Se era na lewe lailai ga era na vakabulai? ocei eke e nanuma nira na lewe levu era

na lako i lomalagi - ni lewe levu na tamata e vuravura era na lako i lomalagi? Kilakila mada na

kena isau: ea kaya, ena Maciu , "Dou curu kina matamata ni koro qiqo ni sa lalaga na

matamata ni koro, ka rabailevu na sala, sa basika kina rusa, a sa lewe vuqa sa curu kina

ni sa qiqo na matamata ni koro, ka rabailailai na sala, ka basika kina bula, era sa lewe lailai

sa kunea." (Maciu :-) Sa qai kaya talega vakaoqo: "Ena sega ni curu kina matanitu vakalomalagi

sa kaya, vei au, Turaga, Turaga, ko koya ga sa cakava ko ira kecega

na loma i Tamaqu sa tiko mai lomalagi. Era na lewe vuqa era na kaya vei au ena siga koya, Kemuni na Turaga,Turaga,

keimami a sega li ni vakavuvuli ena yacamuni, ka vakasevi ira na tevoro ena yacamuni,

ka kitaka na cakacaka mana e vuqa ena yacamuni? Ia kau na qai tukuna vei ira, Au sa sega sara ni kilai kemudou, dou lako tani

vei au, koi kemudou sa dau kitaka na ivalavala ca." (Maciu :-)

Kena imatai, e dua na iwiliwili levu sara ena vuravura oqo era sega madaga ni vakabauti Jisu. Sa vakavinavinakataki

ni lewe levu sara ena rumu ni vuli oqo era vakatusa nira vakabauti Jisu, ia e lewe levu ga e vuravura era

sega ni vakatusa nira vakabauti Jisu. Ia a vakasalataka na Kalou ni ena kedra maliwa madaga era vakatusa nira vakabauti

Jisu, ena kena maliwa madaga era vakatokai koya Turaga, e vuqa ena kaya vua, "keimami a vakayacora

na veicakacaka talei oqo! cava keimami sega ni vakabulai kina!" Ena qai kaya o koya, "Dou lako tami vei au, Au sega

sara ni kilai kemudou." Sa baleta oqori ni na vakabulai, e sega ni rawa mai na cakacaka, me vaka o vakadinata tiko ni na

vakabulai iko na nomu cakacaka vakaiiko, kevaka o nanuma ni ko na lako i lomalagi baleta ni ko a sa papitaiso,

kevaka mo nanuma, "Ia, au nanuma ni sa dodonu mo bulataka e dua na bula vinaka, Au nanuma ni sa dodonu mo muria

na ivunau mo vakabulai kina, au nanuma ni sa dodonu mo lako i lotu, au nanuma ni sa dodonu mo

vukutani mai na nomu ivalavala caÖ" Kevaka mo sa vakadinata tiko na nomu cakacaka, Ena kaya vei iko o Jisu

ena dua na siga, "Dou lako tani vei au, Au sa sega sara ni kilai kemudou."

Sa dodonu mo vakabauta vakaoti na ka ea vakayacora. Sa dodonu mo vakabauta na ka ea vakayacora o Jisu

ena kauveilatai ena nona a mate ena vukumu, a buluti, ka tucake tale. Sai koya oqori na nomu icurucuru ki

lomalagi. Kevaka mo vakadinata tiko eso tani tale na ka, ka kaya tiko, "ia, au sa lako tiko i lomalagi

baleta niu sa dua dina na tamata Lotu Vakarisito dina, kau vakayacora na veika totoka oqo." Ena qai

kaya, "Dou lako tani vei au." Kila vinaka sara na ka ena tukuna, "Dou lako tani vei au, Au sa SEGA sara ni kilai kemudou."

E sega ni kaya, "Au dau kilai kemudou tu." gauna ga sa kilai iko kinaÖ nanuma au a sa kaya

oti taumada: e tawa mudu e tawamudu. gauna ga sa kilai iko kina, o sa vakabulai vakadua.

Ena qai kaya, "Dou lako tani vei au, Au sa sega sara ni kilai kemudou," baleta kevaka mo lako i Eli, sa

na vuna baleta ni a sega ga ni se kilai iko. Baleta ni gauna ga sa kilai iko kina, sa na kilai iko vakadua sara tu ga. Me vakataki ira ga na luvequ

nira na dau luvequ tu ga. Ni ko sa sucu tale, niko sa yaco mo luvena, o sa na

luvena vakadua sara tu ga. O na rairai sipi loaloa beka ni matavuvale. O na dua beka ka dau

dau totogitaki vakaukauwa sara mai vua na Kalou ena vuravura oqo. O rawa ni na vaka veitaliataka beka nomu bula e vuravura oqo e ra,

ia o na sega vakadua ni rawa i vaka veitaliataka na veivakabulai. Ni o vakabulai, sa na vakadua sara tu ga. Sai koya oqori na ka bibi duadua

au via vakaraitaka vei iko me baleta na ivakataotioti ni gauna, ka sa vo ga e vica na noda miniti

ni taro me baleta na veivakabulai se baleta na ivakataotioti ni gauna.

Kemuni Jisu, au kila niu sa dua na tamata ivalavala ca. Au kila ni sa dodonu meu lako i Eli.

Ia au vakabauta ni o ni a mate ena kauveilatai ena vukuqu ka tucake tale. Ni yalovinaka ka vakabulai au saraga oqo

ka solia vei au na bula tawa mudu. Au vakadinati kemuni duadua ga, Jisu. Emeni.